Gwirfoddolwyr

Mae gwirfoddoli yn ffordd wych o gyfarfod pobl, dysgu sgiliau newydd a helpu gwarchod cynefin gwerthfawr ac arbennig y Coedwigoedd Glaw Celtaidd.

Beth bynnag fo eich diddordebau neu gallu, mae lle i chi chwarae eich rhan. Byddwch hefyd yn gweld bod llu o fuddion i chithau: sgiliau a phrofiadau defnyddiol, cynnydd yn eich gwybodaeth am y cynefin, cwrdd a ffrindiau newydd, ymarfer corff a’r boddhad o wybod eich bod yn gwneud rhywbeth i hepu.

Fel gwirfoddolwr i brosiect Coedwigoedd Glaw Celtaidd Cymru byddwch yn ein helpu i gyrraedd ein targedau; sef:

• Gwarchod a gwella harddwch naturiol, bywyd gwyllt a threftadaeth ddiwylliannol y Coedwigoedd Glaw Celtaidd;
• Rheoli rhywogaethau ymlwedol estron ac felly galluogi’r coedtiroedd i ddarparu llu o wasanaethau ecosystem;
• Hyrwyddo cyfleoedd i ddeall a mwynhau nodweddion arbennig y Coedwigoedd Glaw Celtaidd;
• yn cymryd rhan mewn gwaith sydd yn helpu eraill i ddeall a mwynhau y Coedwigoedd Glaw Celtaidd

Gallwch fod yn hyderus y byddwch yn:

• cael yr hyfforddiant a’r offer sydd ei angen ar gyfer eich rôl
• cael eich goruchwylio ac yn gweithio ochr yn ochr a gwirfoddolwyr profiadol neu staff
• cael eich diogelu gan yr un rheoliadau iechyd a diogelwch a staff cyflogedig
• derbyn costau teithio
• yn cymryd rhan mewn gwaith sydd yn helpu eraill i ddeall a mwynhau y Coedwigoedd Glaw Celtaidd

Gallwch wirfoddoli fel unigolyn neu gyda grwp, gallwch ymuno mewn dyddiau gwaith yn rheolaidd, unwaith y mis neu unwaith y flwyddyn.

Beth rydych ei angen:

• Dillad gwaith cynnes
• Dillad glaw
• Esgidiau addas
• Bwyd a diod

Dan 18 – Rydym yn croesawu pobl ifanc ar ein diwrnodau gwaith, ond sylwer:

• os ydych dan 16 oed rhaid i chi fod yng nghwmni oedolyn cyfrifol
• os ydych yn 16-17 oed bydd angen awryddo ffurflen ganiatad rhieni cyn i chi gael gwirfoddoli ar ben eich hunain

Rydym hefyd yn croesawu grwpiau ysgol / coleg ar ddyddiau gwaith. Cysylltwch â ni i drefny dyddiad lleoliad addas i’ch grwp.