Hwyluso Adfer Coetiroedd o Goed Conwydd

Un o gamau gweithredu ein prosiect #CoedwigoeddGlawCeltaidd yw “hwyluso adfer coetiroedd o goed conwydd”, ac mae gennym becyn gwaith ar fin dechrau gyda Forestry Services Limited, mewn coetir preifat drws nesaf i Lwybr Caerynwch ychydig du allan i Ddolgellau.

Mae'r rhan gyfan goediog o'r safle yn gorwedd o fewn Ardal Cadwraeth Arbennig (ACA) Coedydd Derw Meirionnydd a hefyd yn ffurfio rhan o SoDdGA Coedydd Dyffryn Wnion.

Wedi’i nodi fel ardaloedd sydd yn cael eu hadnabod fel PAWS (Planhigfa ar Safle Coetir Hynafol) ac RAWS (Safle Coetir Hynafol wedi’i Adfer), mae rhai darnau eithaf trwchus o fewn y coetir Hemlog y Gorllewin a Chedrwydd coch gorllewinol.

Mae'r rhannau isaf sy’n nes at geunant yr afon, yn cynnwys y cynefin fwyaf gyfan rhannol naturiol sy'n cynnal coetir derw digoes, ynn a bedw gydag isdyfiant celyn a chyll. Mae rhywfaint o fygythiad i'r safle hefyd gan ffawydd aeddfed mawr oherwydd sbwriel dail, gor-gysgodi ac ail-hadu.

Mae ein gwaith yn anelu at deneuo’r coed llydanddail brodorol o fewn yr adrannau hemlog a chedrwydd, ac yn y pen draw dod â’r coetir yn ôl i reolaeth gadarnhaol, gan hwyluso adfywiad yr isdyfiant brodorol ac aildyfiant coed brodorol yn y dyfodol.

Bydd y gwaith teneuo hwn yn cael ei wneud yn ofalus ac yn sensitif a bydd yn cynyddu lefelau golau yn y coetir, gan greu amodau gwell dros amser ar gyfer y cennau coetir prin a geir o fewn y SoDdG